NB Fysioterapi er ein klinikk, sum veitir fysioterapi í Føroya bestu venjingarumstøðum, og kunnu tí tryggja viðskiftafólkum best hóskandi umstøður til upp- og endurvenjing.

NB er ein stytting fyri nøvnini Niklas & Bjartur, sum stovnaðu klinikkina í 2019. Alt byrjaði, tá ið teir báðir vóru í starvi sum fysioterapeutar á Landssjúkra-húsinum, har práti fall á at fysioterapi á privata marknaðinum í Føroyum, í flestu førum, er pakkað niður í smáar kjallarar, har møguleikar fyri uppvenjing og rørslu sum heild eru avmarkaðar.

Vit blivu samdir um, at tað manglaði ein klinikk, sum kundi veita umstøður, ið hava fjølbroytni og góðsku, sum kunnu avbjóða sjálvt elitu-íðkarar.
Tað manglaði ein klinikk, sum fór at leggja seg eftir teimum aktivu í samfelagnum, ið á ein ella annan hátt hava fingið skaða ella pínu, men ikki ynskja at steðga við ítrivi teirra.
Tað manglaði ein klinikk, sum altíð fór at arbeiða við “drive” og áhuga, bæði tá tað kemur til tað fakliga og tá tað viðvíkir venjingarumstøðum.

Tí er NB Fysioterapi klinikkin hon er í dag; ein klinikk við nýmótans venjingarútgerð, og einum toymi manna av ungum, forvitnum og íðnum fysio-terapeutum, sum altíð veita eina dygdar tænastu, við útgangsstøði í nýggjastu gransking og vitan.

NB Fysioterapi lat upp í november 2019 í Tórshavn. Í apríl 2020 opnaði næsta klinikkin í røðini í vestmanna, soleiðis at NB Fysioterapi nú er ein inter-kommunal klinikk, samansett av tveimum klinikkum og fýra fysioterapeutum.

Bjartur & Niklas

Klinikkin í Tórshavn

Klinikkin í Vestmanna